En Referentes buscamos persoas que queiran acompañar a mozos e mozas maiores de 16 anos e sen apoio familiar no seu camiño cara á vida independente. Buscamos referentes adultos que lles permitan ampliar a súa rede social e camiñar con máis seguridade. Como facelo? Conversando durante un café, preparando un prato típico, facendo unha pequena ruta en bici, asistindo á nova estrea de teatro, xantando no parque con outras amizades... Hai toda clase de opcións coas que mozo e referente poden ir creando un espazo común e un vínculo persoal.

Buscamos persoas maiores de 25 anos -non relacionadas co ámbito da psicoloxía, o traballo social ou a educación social- que queiran poñerse á disposición do mozo ou moza para confiar, escoitar, aconsellar, divertirse, aprender, consolarse ou coñecer unha realidade diferente da propia.