Procuramos Avogado/a colexiada como exercente e coñecementos/experiencia no ámbito de DDHH, igualdade de trato e non discriminación, e delitos de odio para traballar con noso equipo da Oficina de Información e Denuncias en materia de Racismo e Xenofobia na localidade de Vigo.

Funcións:

Información e asesoramento legal en materia de discriminación, igualdade de trato e delitos de odio.

Elaboración e interposición de escritos ou recursos.

Deseño e impartición de obradoiros.

Elaboración de informes xurídicos.

Representación en procedementos xudiciais en materia de discriminación e vulneración de dereitos por cuestión de raza, orixe, cultura ou relixión.

Incidencia política e social.

Perfil/requisitos

Licenciatura en Dereito.

Colexiado/a  en exercicio. (absterse avogados/as non exercentes)

Formación específica e/ou experiencia en materia de igualdade de trato, delitos de odio, discriminación e DDHH.

Carné de conducir e vehículo propio (desprazamento para impartición de formacións ou asistencia xurídica dentro das provincias de Pontevedra e Ourense)

Coñecementos e interese pola loita antirracista e pola defensa dos dereitos humanos.

Capacidade organizativa, resolutiva, xestión do tempo, traballo en equipo, autonomía, flexibilidade e adaptabilidade.

Dominio de ferramentas informáticas (Word, excel, access, power point….)

Valorarase:

Traxectoria persoal activista ou asociativa.

Habilidades de oratoria.

Dispoñibilidade para viaxar.

En igualdade de condicións, valorarase a diversidade de orixe étnica ou cultural por entender que pode facilitar os procesos de empatía e coñecemento de diversos códigos culturais.

Coñecemento de Galego a nivel oral e escrito

Coñecemento doutros idiomas

Experiencia profesional en entidades do terceiro sector.