Objetivo

Gústache explorar, descubrir cousas novas, acompañar ás crianzas nas súas aventuras e aprender con elas?

En Seteportas–Altair buscamos persoas voluntarias para formar parte da equipa educativa do grupo de Insurras, formado por nenas e nenos de 10 e 11 anos.

Non precisas experiencia previa. Só compromiso, ganas de aprender e ilusión por acompañar ás crianzas nunha etapa chea de curiosidade, descubrimento e crecemento persoal.

Que farás?
-Acompañar ás Insurras nos seus proxectos de exploración e descuberta.
-Organizar e dinamizar xogos, grandes xogos, camiñadas e actividades ao aire libre.
-Fomentar a curiosidade intelectual, a investigación e o coñecemento do mundo que as rodea.
-Axudar a desenvolver habilidades para a vida cotiá como a cociña, os coidados, a organización, os primeiros - auxilios ou as técnicas básicas de campamento.
-Impulsar valores como a empatía, a cooperación, a lealdade, o compromiso e o respecto.
-Participar en campamentos, rutas, saídas e actividades especiais ao longo do ano.
-Formar parte dunha equipa educativa que aprende, comparte experiencias e medra xunta.

Como son as actividades?

No grupo de Insurras aprendemos descubrindo.

As crianzas participan en proxectos elixidos por elas mesmas, investigan temas que lles interesan, exploran a natureza, realizan camiñadas, desenvolven habilidades prácticas e aprenden a organizarse en pequenos grupos.

O xogo continúa sendo unha ferramenta fundamental, pero aparece tamén a idea de proxecto, a reflexión compartida, os debates, os acordos e a responsabilidade colectiva.

Traballamos a través de actividades na natureza, a horta, os campamentos, os proxectos de investigación, os obradoiros prácticos, a vida en grupo e o caderno de viaxe, unha ferramenta persoal onde cada Insurra recolle as súas experiencias, aprendizaxes e descubrimentos.

Que ofrecemos?
-Formación subvencionada para obter o título oficial de monitor/a ou director/a de actividades de tempo libre.
-Experiencia real en educación non formal.
-Aprendizaxe en liderado, comunicación, resolución de conflitos e dinamización de grupos.
-Formación práctica en metodoloxías educativas baseadas no xogo, o proxecto e a participación.
-Participación nun proxecto educativo consolidado con décadas de experiencia.

Cando?

Actividades semanais os sábados de 11:00 a 14:00 horas, ademais de campamentos, camiñadas e actividades especiais ao longo do ano.

Onde?

Santiago de Compostela.

Por que unirte?

Porque educar tamén é descubrir.

Se cres que as crianzas merecen espazos para explorar, investigar, facer preguntas, convivir, aprender habilidades útiles e construír amizades duradeiras, estamos agardando por ti.

Ademais, se es estudante da USC, o teu voluntariado pode convalidar ata 6 créditos ECTS en titulacións de Grao e Máster.

Perfil:

Perfil que buscamos
-Idade preferente: Entre 18 e 35 anos (aínda que non é excluínte).
-Predisposición para o trato con nenas/os e mocidade.
-Paixón pola natureza e actividades ao aire libre.
-Actitude positiva, flexible e colaborativa.

Que ofrecemos?
-Formación inicial e continua.
-Acompañamento e apoio constante.
-Unha experiencia única nun proxecto educativo e social.

Interésache?
Apúntate agora e enviarémosche o noso formulario de selección de voluntariado.

Agardámoste cos brazos abertos!

Adecuado para:

Adultos

Subcategorías:

Actividades de formación/Educación, Actividades lúdicas y de respiro, Atención y cuidados, Campañas/Sensibilización, Captación de fondos, Comunicación, Ocio y tiempo libre, Otros

Aficiones/pasiones:

Animales, Arte, Astronomia, Blogs, Cine, Cocina, Danza, Deporte, Escritura, Fotografia, Lectura, Musica, Nuevas tecnologias e Internet, Salir al campo o al monte, Pintura, Teatro, Viajes, Ensenar, Otras

Competencias que adquirirá el voluntario

Analizar y resolver problemas, Iniciativa y autonomía, Capacidad de aprendizaje, Capacidad para liderar iniciativas, Organización y planificación, Comunicación interpersonal, Trabajo en equipo, Capacidad de Negociación

Municipio:

Santiago de Compostela

Tipo:

Continua :esta oportunidad requiere de un compromiso continuado

Dedicación:

Más de 16 horas mensuales. Miercoles ,Sabado ,Campamentos de outono, iverno, primavera e verán.
Horario: Mañanas ,Tardes ,4 campamentos ao anos de 2, 3, 5 e 15 noites.
Esta actividad se puede realizar en grupos.Só Voluntari@s con dispoñibilidade nos fins de semana ,Campamentos de outono, inverno, primavera e verán. Máis información e envío de candidaturas: info@altair.gal.

Vacantes:

3

Fecha límite de inscripción:

01/09/2026