Acción Familiar Ferrol é unha organización formada por un equipo de profesionais do ámbito psico-educativo e social que prestan apoio psicolóxico e educacional a través de proxectos e programas dirixidos a menores, mulleres, maiores, minorías étnicas e persoas sen recursos. A visión de futuro, que pretende guiar o noso traballo de forma coherente, eficiente e eficaz, céntrase nos seguintes puntos: • Lograr a plena inclusión e integración das persoas con e para as que traballamos, • Implantar proxectos e programas innovadores, que fomenten a participación dos usuarios e usuarias, de maneira que sexan eles os actores e actrices activos do seu propio empoderamento; • Acadar un equipo de traballo estable e coordinado, cuxas intervencións respondan a protocolos estandarizados dentro da organización, que sirvan de guía para todas aquelas persoas que se incorporen aos distintos procesos; • Aumentar a visibilización da organización e conseguir que os nosos proxectos e programas especializados sexan un referente a nivel local e comarcal. Se necesitas contactar con nós, non o dubides, escribe un correo electrónico a: afaferrol@accionfamiliar.org